Gevulde forel
(bl. 20) In Europa gaan jy vir seker kalkoen of Kersfees-ham op die spyskaart kry, maar veral kalkoen is in die winter nie hier so vrylik beskikbaar nie. Vul salm of forel met die geure van dié Kers-pronkstukke om die heerlike gereg hierbo te skep.
Genoegvir6
45 ml olyfolie 200 g gekapte spek 1 groot ui, grofgekap 2 gekapte knoffelhuisies 6 snye witbrood 1 x 200 g-sak spinasie hand vol pietersielie 100 g pekanneute 50 g (45 ml) botter, gesmelt sout en varsgemaalde swartpeper 2 forel- of salmfilette met vel 1 suurlemoen, in skywe gesny basiliekruid p est o vir voorsit Verhit oond tot 180 °C. Verhit olie tot warm in groot braaipan en braai spek, ui en knoffel 2-3 minute of tot spek begin verbruin. Plaas brood, spinasie, pietersielie en neute in voedselverwerker. Pols by hoë spoed tot fyn mengsel. Voeg gebraaide spek en botter by. Meng deur. Geur goed met sout en peper. Sprinkel oondbraaiplaat met bietjie olie en plaas een visfilet met velkant na onder op bakplaat. Gebruik skerp mes en maak 4 kepe in die filet tot teenaan die vel. Skep broodmengsel op vis en druk stewig vas – maak seker die hele filet is bedek met brood. Sny ook 4 kepe in oorblywende filet en plaas met velkant na bo bo-op vulsel (die vulsel is dus tussen die filette). Pak 4 suurlemoenskywe bo-op vis en bind vis vas met kombuistou (sien foto). Geur met sout en peper. Bak 20-25 minute oop in warm oond of tot goudbruin en gaar. Sit voor met pesto.