Geurige wortelen-komynsop

Dis heerlik vullend en baie bekostigbaar.

Genoeg vir 6-8

45 ml olyfolie

1 ui, baie fyn gekap

2 knoffelhuisies, fyngekap

15 ml vars gemmer, fyngerasper

15 ml Maleise kerriepoeier

10 ml komynsaad

10 wortels, gerasper

2 liter hoenderaftreksel

1 x 400 ml-blik klapperroom sout en varsgemaalde swartpeper

Verhit olyfolie tot warm in groot pot en roerbraai ui, knoffel en gemmer tot geurig, sowat 3 minute. Voeg speserye by en braai nog 1 minuut. Voeg wortels by en braai verder vir 5-8 minute. Voeg aftreksel en room by en bring tot kookpunt. Kook 10 minute. Verwyder van hitte en geur goed met sout en peper. Verpulp tot glad met staafmenger. Proe en pas geurmiddels aan. Sit voor met rou baba-wortels vir ekstra tekstuur.