Wortelslaai soos nog nooit gesien nie
Julle weet teen dié tyd ek voel vere vir die kossnobs, en daarom maak ek hierdie slaai wat gereeld op my ma se braaitafel gepronk het.
Genoeg vir 6
45 ml olyfolie
1 ui, gekap
2 knoffelhuisies, gekap
1 x 1 cm-stuk gemmer, gerasper
1 pakkie spek, fyngekap
30 ml komynsaad
125 ml lemoensap
80 ml olyfolie
45 ml korrelmosterd
60 ml heuning
1 rooi brandrissie, fyngekap hand vol vars koljanderblare, fyngekap
100 g pekanneute, grofgekap
12 wortels, gerasper met skil aan sout en varsgemaalde swartpeper
Verhit olyfolie tot warm in groot braaipan. Voeg ui, knoffel, gemmer en spek by. Roerbraai 5 minute. Gooi komyn by en braai nog 2 minute. Verwyder van hitte en laat afkoel. Meng lemoensap, olie, mosterd, heuning en rissie. Meng koljander, neute en wortel. Gooi alles bymekaar en meng deur. Geur goed met sout en peper. Sit yskoud voor.