’n Tafel vir jou
DANIELLE POTGIETER van DURBANVILLE is ma van drie – ’n voltydse werk, sê sy. Daarom wil sy ’n ete hou waar sy en haar mede-ma-vriendinne sonder sorge kan agteroorsit. Wit is die tema. Groot bosse tulpe en wit bedlampies op die tafel sorg vir atmosfeer. D
Die sorbet word met droëys gemaak à la supersjef Heston Blumenthal. Dis veilig om te eet en oral beskikbaar – kyk op die internet.
SORBET 350 ml jogurt 100 ml suiker 100 ml kookwater 100 ml vlierblomstroop (kyk in supermark se koeldrankafdeling) sap en gerasperde skil van 1 suurlemoen
1 kg droëyskorrels ( pellets)
SJOKOLADESOP 6 eiergele 100 g (120 ml) suiker 5 ml vanieljegeursel 600 ml melk 200 g witsjokolade, fyngekap
Sjokoladesop met vlierblom-sorbet
Genoeg vir 6 Plaas al die bestanddele vir die sorbet (behalwe ys) in voedselverwerker en maak by hoë spoed fyn tot mengsel glad is. Klits met draadklitser terwyl jy hande vol droëys bygooi. Hou aan roer tot mengsel dik en romerig is, soos sagte roomys. Hou aan roer tot al die
rook van die droëys verdwyn – sodra die rook weg is, het al die ys verdamp. Skep balle vol van die roomys en hou koud.
Sjokoladesop Plaas eiergele, suiker en vanielje in mengbak. Klits tot goed gemeng. Verhit melk in middelslag-pot tot net onder kookpunt. Gooi bo-oor eiergeelmengsel terwyl jy roer. Gooi mengsel terug in pot. Roer oor lae hitte met houtlepel tot mengsel die agterkant van die lepel bedek, sowat 10-12 minute. Moenie mengsel laat kook nie, dit sal skif. Gooi warm mengsel oor witsjokolade en roer tot glad. Sit sop voor saam met vlierblom-sorbet. >