Groen boontjie-enlam s kerrie bredie
Tradisioneel altyd met ’n sagte witpeper-brandsmakie. Genoegvir6
60 ml kanola-olie 800 g kort lamskenkels ( lamb
knuckles)
2 uie, fyngekap
4 knoffelhuisies, fyngekap
45 ml komynsaad 6 kardemompeule, oopgebreek
30 ml vinkelsaad 30 ml fyn koljander
2 lourierblare
30 ml masala
20 ml borrie
1 x 1 cm-stuk vars gemmer, gerasper
1 x 410 g-blik tamaties
1 x 400 ml-blik klappermelk sout en varsgemaalde swartpeper
1 x 200 g-pakkie groenbone 1 Verhit oond tot 180 °C. Verhit olie in middelslag-pot. Voeg lam by en roerbraai tot goudbruin, 8-10 minute. Verwyder uit pot en hou eenkant. 2 Gooi uie en knoffel in dieselfde pot. Roerbraai 3-5 minute of tot dit begin verbruin. Voeg al die speserye behalwe gemmer by en braai nog 3-5 minute of tot geure loskom. 3 Voeg gemmer by en braai nog 1 minuut. Voeg tamaties by en roer deur. Gooi klappermelk by en meng deur. Geur goed met sout en peper. Gooi gebraaide vleis in sous en voeg groenbone by. Sit deksel op en sit in warm oond vir 2-3 uur of tot vleis van bene val.
4 MAAK SÓ KLAAR Skep warm bredie in opdienbak en sit voor met
rys van jou keuse.