Marokkaanse hoender-enkoolbredie
Die speserye van NoordAfrikaanse lande soos Marokko is geurig eerder as branderig. Genoegvir8
45 ml kanola-olie
1 ui, gekap
2 knoffelhuisies, gekap
10 ml anyssaad
3 kardemompeule, oopgebreek
10 ml fyn kaneel
20 ml vinkelsaad
10 ml fyn koljander
5 ml droë brandrissie
16 ontbeende hoenderdye sonder vel
1 x 400 g-blik tamatiepuree
250 ml witwyn sout en varsgemaalde swartpeper
1 klein koolkop, gesnipper
1 x 410 g-blik kekerertjies 1 Verhit oond tot 180 °C. Verhit olie tot warm in groot oondvaste pot. Voeg ui, knoffel, anys, kardemon, kaneel, vinkel, koljander en rissie by. Roerbraai 3-5 minute of tot geurig. 2 Voeg hoenderstukke by en roerbraai nog 3-5 minute of tot dit verbruin. Voeg tamatie en wyn by. Geur goed met sout en peper. 3 Pak kool bo-op en maak pot toe. Plaas in oond en bak 90 minute of tot kool sag en gaar is. Kyk elke halfuur of daar nog genoeg vog in die pot is – as dit min raak, voeg water by.
4
MAAK SÓ KLAAR
Voeg ertjies by en roer tot gemeng. Sit warm voor.