Hoender-enkomkommer rolletjies

(bl. 87) ’n Lekker ligte middagete.

Genoeg vir 4

1 liter hoenderaftreksel 650 g hoenderborsies sonder vel 1 komkommer 100 g gevlokte amandels hand vol vars koljander, fyngekap 1 x 125 g-bakkie basiliekruid-pesto sap en gerasperde skil van 2 suurlemoene sout en varsgemaalde swartpeper

SOUS 100 ml tahini-pasta (of hoemoes) 25 ml olyfolie sap en gerasperde skil van 1 suurlemoen 2 avokado’s, geskil en ontpit hand vol gevlokte amandels

Bring aftreksel tot kookpunt en posjeer borsies 10-15 minute. Lig uit aftreksel en vlok fyn. Sny lang, dun repe komkommer met groenteskiller. Bedek groot kapplank met kleefplastiek en pak komkommerrepe langs mekaar bo-op – die repe moet mekaar met sowat 5 mm oorvleuel om ’n groot mat van komkommer te vorm. Hou eenkant. Meng hoender, amandels, koljander, pesto, en suurlemoensap en -skil in ’n bak. Geur goed met sout en peper. Skep hoendermengsel in ’n lang wors op een punt van komkommermat – die repe komkommer moet vertikaal voor jou lê. Gebruik kleefplastiek as hulpmiddel en rol die komkommermat met vulsel stewig op soos ’n sigaar. Slaaisous Meng tahini, olie, sap en -skil. Plaas komkommerrol op opdienbord. Skep sous oor rol, sprinkel amandels oor en sit voor met skyfies avokado.