5-spesery-kebabs met radys-en-wortelslaai
(bl. 88) Die geurige mengsel van speserye is ’n vinnige manier om kos smaak te gee.
Genoeg vir 6
18 ontbeende hoenderdye 6 hout-kebab-stokkies 150 ml oestersous 10 ml Chinese 5-spesery-mengsel 15 ml vars gemmer, fyngerasper 3 sprietuie, fyngesny hand vol vars koljander, fyngekap sout en varsgemaalde swartpeper 2 (150 g) wortels 8 radyse, in papierdun repies gesny
PIEKEL 60 ml witwyn-asyn 60 g bruinsuiker 25 ml heuning 1 rooi brandrissie, fyngekap
Verhit oond tot 220 °C. Ryg hoenderdye op kebabstokkies – 3 per stokkie. Meng oestersous, 5-speserymengsel, gemmer, sprietuie en koljander, en hou sousmengsel eenkant. Pak kebabs op rooster in oondbraaibak en geur goed met sout en peper. Skep sous oor kebabs. Gebruik vingerpunte en vryf mengsel oor hoender. Plaas in oond en oondbraai 25-30 minute of tot goudbruin en gaar.
Piekel Terwyl hoender in oond is, bring asyn, suiker, heuning en brandrissie tot kookpunt. Gooi oor wortels en radyse en meng deur. Sit voor saam met kebabs.