Laat die geure rol!
Wie kan nee sê vir sjokolade en karamel wat saam gerol is onder ’n kombers van sjokoladesous? Kom bak saam met Glad en proe self!
Sjokoladebrownie-rolkoek met karamelvulsel
Die koek is lekker klam en kompak soos ’n brownie. Vul dit met soet karamelroom.
genoeg vir 12
3 groot eiers 125 g (155 ml) strooisuiker
15 ml kookwater 100 g (180 ml) koekmeel
25 g kakao
VULSEL
250 ml room 1 x 365 g-blik karamel-kondensmelk 125 g vars bloubessies 100 g sjokolade, fyngekap
Verhit oond tot 180 °C. Plaas eiers, suiker en water in bak van elektriese menger met ballonklitser. Klits by hoë spoed tot dik en skuimerig – so 10 minute. Voer ’n rolkoekpan van 27 x 20 cm uit met GLAD-bakpapier (foto 1). Sif meel en kakao saam en gooi by eierskuim. Vou in met groot metaallepel. Gooi mengsel in uitgevoerde pan en smeer gelyk. Bak 12-15 minute of tot opgepof en gaar. Keer uit op groot stuk GLAD ClingWrap (foto 2) wat ruim besprinkel is met suiker. Begin by 20 cm-sy en rol koek op met GLAD ClingWrap en al. Laat afkoel in GLAD ClingWrap. Rol versigtig oop. Klits 125 ml room tot stywe punte vorm. Vou karamel-kondensmelk in. Smeer mengsel oor koek en pak vol bloubessies. Rol weer toe, dié keer sonder die plastiek. Plaas op opdienbord. Bring oorblywende 125 ml room tot kookpunt en gooi oor sjokolade. Roer tot glad en gooi oor rolkoek. Sit voor met ekstra bessies.