Bobotie-frikkadelle in roomsous

(bl .52) Gebruik die basiese bobotiemaal vleismengsel en maak frikkadelle daarmee. Dit bak vinniger gaar en smaak byna dieselfde. genoeg vir 4

1 ui, fyngekap 3 knoffelhuisies, fyngekap 30 ml kerriepoeier 15 ml appelkooskonfyt 30 ml blatjang 25 ml bruin asyn 15 ml borrie 500 g maer beesmaalvleis 100 ml amandelsplinters 1 eier sout en varsgemaalde swartpeper 45 ml olyfolie 30 ml geroosterde masala 1 x 410 g-blik klappermelk

Meng ui, knoffel, kerrie, appelkooskonfyt, blatjang, bruin asyn, borrie, maalvleis en amandels. Voeg eier by en meng deur. Geur goed met sout en peper. Vorm frikkadelle so groot soos jy verkies. Verhit olyfolie tot warm in braaipan. Pak frikkadelle in pan en braai 1-2 minute per kant of tot goudbruin. Voeg masala en klappermelk by. Meng deur en verlaag hitte tot stadige prut. Laat sous 10-12 minute prut of tot frikkadelle gaar is. Sit voor met rys en tamatieslaai.