Gemarineerde olywe
(bl. 43) Hiervan maak ek groot bakke vol en hou dit in my yskas. Dis heerlik in slaaie of as peuselhappie. Jy kan olywe met of sonder die pit marineer. genoeg vir 1 groot bottel
350 ml olyfolie van goeie gehalte ( extra virgin) hand vol vars tiemie 4 knoffelhuisies, grofgekap 15 ml komynsaad 15 ml vinkelsaad 45 ml gerookte paprika sap en gerasperde skil van 2 suurlemoene 500 g swart en groen olywe 6 wiele fetakaas, in blokkies gesny 100 g okkerneute sout en varsgemaalde swartpeper
Meng olyfolie, tiemie, knoffel, komyn, vinkel, paprika, en sap en skil van suurlemoene. Voeg olywe, feta en neute by. Geur goed met sout en swartpeper. Plaas in lugdigte houer en laat marineer 4-6 uur in jou yskas of oornag. Gebruik soos benodig.