Winter op ’n bord

Dis nou die ideale tyd van die jaar vir warm geregte met groot geure. Week IMBO se nierboontjies op ons vinnige manier en kook dit in ’n sous wat gegeur is met klappermelk. ’n Mond vol lekkerte!

Bone-en-frikkadelkerrie

As jou bone eers geweek is, maak jy die gereg blitsvinnig. genoeg vir 4

1 x 500 g-sak IMBO Kidney Beans 30 ml olyfolie 1 ui, fyngekap 2 knoffelhuisies, fyngekap 1 x 1 cm-stuk vars gemmer, fyngerasper 30 ml geroosterde masala 100 ml water 1 x 410 g-blik klappermelk 16 lamsvleis-frikkadelle (sien bl. 58 vir ’n resep) sout en varsgemaalde swartpeper 400 g gestoomde ertjies hand vol vars koljander, fyngekap

Plaas bone in pot met koue water en bring tot kookpunt. Maak pot toe, sit plaat af en laat staan vir 1 uur (dis belangrik om geen sout by die water te gooi voor jy dit kook nie, dit kan die bone laat taai raak). Dreineer en bedek met skoon kookwater. Bring weer tot kookpunt en kook vir 15-20 minute of tot bone sag en gaar is, maar nie pap nie. Dreineer bone en hou eenkant. Verhit olyfolie in groot pot tot warm en voeg ui, knoffel, gemmer en masala by. Roerbraai 1 minuut. Voeg water by en braai nog 1 minuut. Voeg klappermelk by en bring tot kookpunt. Pak frikkadelle in sous en gooi gaar bone by. Maak pot toe en laat prut 15-20 minute of tot romerige sous vorm en frikkadelle gaar is. Geur goed met sout en peper. Voeg ertjies en koljander by en roer deur. Sit voor met vars kersietamaties.