Murgpampoentjie-enchorizo-slaai

(bl. 73) Eet dit met goeie brood. genoeg vir 6

24 murgpampoentjies – ons het langes en rondes gebruik olyfolie vir smeer en braai sout en varsgemaalde swartpeper 1 x 225 g-chorizo-wors, in ringe gesny 1 x 410 g-blik kekerertjies, gedreineer 30 ml gerookte paprika 1 brandrissie, fyngekap 80 ml olyfolie 60 ml sjerrie-asyn 30 ml heuning sap en gerasperde skil van 1 lemoen Halveer murgpampoentjies. Verhit riffelpan. Smeer pampoentjies aan gesnyde kante met olie en geur goed met sout en peper. Braai 3-4 minute per kant in warm pan of tot lekker goudbruin en sag – hulle word baie gou gaar. Hou eenkant. Verhit braaipan tot warm en gooi klein bietjie olie in pan. Braai chorizo 3-4 minute of tot dit begin verbruin. Voeg kekeretjies, paprika en rissie by. Braai nog 2 minute. Voeg gebraaide murgpampoentjies by en meng deur. Geur goed met sout en peper. Meng res van bestanddele om slaaisous te maak. Verwyder pan van hitte en gooi sous oor warm groente. Meng deur en sit warm voor.