Spruitkool-spek-enbosbessie-slaai

(bl. 75) Baie mense is bang vir spruitkool, maar maak jy dit reg gaar, het jy ’n heerlike warm slaai. genoeg vir 6-8

600 g vars spruitkool ( Brussels sprouts) 45 ml olyfolie 5 kassler-tjops, in blokkies gesny 200 g bosbessies ( cranberries) 100 g pekanneute sout en varsgemaalde swartpeper

SOUS 200 ml lemoensap 50 ml soet sojasous 50 ml heuning 1 brandrissie, fyngekap

Bring pot met water tot kookpunt en dompel spruitkool in water. Kook 1 minuut. Dreineer en hou eenkant. Verhit olie tot warm in groot braaipan en voeg kasslerblokkies by. Roerbraai 8-10 minute of tot goudbruin en bros. Voeg bosbessies, pekanneute en spruitkool by. Geur goed met sout en peper. Roerbraai 1 minuut. Meng al die bestanddele vir die sous en gooi in warm pan by spruitkool-mengsel. Verwyder van hitte en skep alles in opdienbord. Sit voor met pansous.