Hoender-tikka masala

(bl. 18) Die geheim van hierdie Britse kerrie is om die hoender ’n bietjie oor die kole te braai sodat dit lekker rookgeure en -smake kry.

genoeg vir 6 MARINADE 5 ml fyn naeltjies 30 ml gerookte paprika 30 ml geroosterde masala 10 ml fyn komyn sap en gerasperde skil van 2 suurlemoene 1 x 2 cm-stuk vars gemmer 500 g ongegeurde jogurt 16 hoenderstukke kole vir braai SOUS 45 ml olyfolie 2 uie 4 knoffelhuisies 2 brandrissies, fyngekap 20 ml fyn koljander 20 ml borrie 100 g fyn amandels 2 blikke tamaties 500 ml klappermelk hand vol vars koljander sout en varsgemaalde swartpeper Turkse appelkose en gevlokte amandels vir voorsit Meng al die bestanddele vir die

marinade behalwe die hoender. Gooi oor hoender en meng goed. Maak bak toe met kleefplastiek en plaas in yskas. Marineer sowat 3 uur. Plaas al die bestanddele vir die sous in ’n voedselverwerker behalwe appelkose en amandels. Verpulp tot glad en hou eenkant. Kry kole lekker warm. Haal hoender uit marinade (maar moenie marinade weggooi nie) en braai hoenderstukke 3-5 minute oor warm kole of tot dit mooi goudbruin is met ’n lekker gebraaide voorkoms – dís waar die gereg ekstra geur kry. Voeg verpulpte sousbestanddele by marinade en meng deur. Verhit oond tot 180 °C. Gooi sous in oondvaste pot en pak gebraaide hoenderstukke in sous. Geur goed met sout en peper. Oondbraai 30-40 minute oop of tot hoender sag en gaar is. Sit voor met appelkose en amandels.