Basiese resepte + partytjiedinge
Met hierdie basiese resepte vir sjokolade-sponskoek en versiersel kan jy al die koeke vir die partytjies in dié tydskrif maak
SJOKOLADEKOEK
• 390 g (420 ml) botter
• 820 ml water
• 140 g (350 ml) kakaopoeier
• 840 g (750 ml) koekmeel
• 20 ml koeksoda
• 20 ml bakpoeier
• 1 200 g (1 420 ml) strooisuiker
• 6 eiers
• 380 ml karringmelk Verhit oond tot 160 °C. Plaas botter en water in middelslagpot en bring tot kookpunt. Voeg kakao by en meng. Sif meel, koeksoda, bakpoeier en suiker saam. Meng eiers en karringmelk. Voeg botter- en die karringmelkmengsel by die droë bestanddele en meng goed. Volg die opsies soos regs uiteengesit.
OPSIE 1
Spuit ’n 36 x 26 cm-koekpan goed met kleefwerende kossproei en voer uit met bakpapier. Gooi beslag in pan en bak 60 – 70 minute. Laat effens afkoell en keer uit.
OPSIE 2
Spuit ’n ronde 30 cm-koekpan goed met kleefwerende kossproei en voer uit met bakpapier. Gooi beslag in pan en bak 50 – 60 minute. Laat effens afkoel en keer uit.
OPSIE 3
Spuit 4 losboom-koekpanne van 20 cm in deursnee goed met kleefwerende kossproei en voer uit met bakpapier. Gooi beslag in panne en bak 60 – 70 minute. Laat effens afkoel en keer uit.