Sneeuvlokkiekoekies
Jy kan hierdie koekies tot 2 weke voor die partytjie bak en in lugdigte houers bêre.
genoeg vir 24
• 175 g (190 ml) sagte botter
• 115 g (220 ml) versiersuiker
• skil van 1 suurlemoen
• 265 g (475 ml) koekmeel
• 35 g (55 ml) mielieblom
( cornflour)
• 50 g versiersuiker
Verhit oond tot 180 °C. Plaas botter, suiker en skil in mengbak van ’n elektriese menger en verroom. Voeg meel en mielieblom by en meng tot ’n sagte deeg. Draai in kleefplastiek toe en laat rus in yskas vir 25 minute. Strooi dun lagie meel op werkvlak. Rol koue deeg tot sowat 5 mm dik uit. Gebruik koekiedrukker met sneeuvlokkievorm en sny koekies uit deeg. Plaas op bakplaat wat goed met kleefwerende kossproei gespuit is. Plaas in oond en bak vir
12 – 15 minute tot goudbruin. Sif versiersuiker oor en sit voor.