Yskoppies

My ouma het dit altyd Desembervakansies vir ons gemaak en dit bly vandag nog een van my gunstelinge.

genoeg vir 12

• 500 g (625 ml) suiker

• 500 ml water

• 10 ml blou koskleursel

• 10 ml borrelgomgeursel

• 1 kg ys

• blou koekstrooisels

Plaas suiker en water in pot en bring tot kookpunt. Kook vir 5 minute en laat afkoel tot koud. Voeg kleursel en geursel by en meng deur. Laat in yskas afkoel tot yskoud. Gebruik koekroller en slaan ys tot baie fyn in skoon kombuisdoek. Skep in papierglasies en gooi ’n bietjie van die stroop oor. Sprinkel strooisels oor en sit voor.