Sjokolade-rotte

Die rotte verg bietjie vernuf.

genoeg vir 12

• 125 ml room • 400 g donkersjokolade, baie

fyngekap • 12 sjokolade-munte (ons het Woolworths s’n gebruik, landwyd teen R19,99 vir 150 g) • 24 heel amandels • 300 g donker-baksjokolade • 50 g witsjokolade, gesmelt • 12 x 10 cm-stukke tou

Verhit room tot kookpunt en gooi oor gekapte sjokolade. Roer tot gladde mengsel in pot oor kookwater. Laat mengsel buite yskas stol tot romerig – soos botterversiersel. Indien te hard gestol, gee dit twee draaie in mikrogolfoond. Skep in spuitsak met 1 cm-skerprandtuit. Plaas munte op bakplaat en druk tuit bo-op. Spuit mengsel uit terwyl jy tuit stadig lig tot trane vorm, lig dan vinnig op en weg sodat ’n skerp punt agterbly. Druk 2 amandels in elk vir ore. Herhaal tot al die sjokolade op is. Laat stol in yskas tot hard. Smelt baksjokolade oor pot kookwater. Plaas gestolde rotte op vurk se punt en doop elk in sjokolade tot bedek. Plaas op bakpapier en laat stol. Maak oë en neuse met witsjokolade en plak tou-sterte vas.