Pienk doughnuts

(bl. 79) Niemand kan nee sê nie. genoeg vir 8

• 125 ml louwarm melk • 30 ml strooisuiker • 20 ml heuning • 80 g botter, gesmelt • 2 eiers • 1 x 10 g-sakkie kitsgis • 350 g (625 ml) koekmeel plus ekstra vir uitrol • 5 ml vanieljegeursel • 130 g (250 ml) versiersuiker • sap van 1 suurlemoen • pienk koskleursel • olie vir diepbraai • 200 g (250 ml) kaneelsuiker • hand vol kleurstrooisels ( hundreds andthousands)

Plaas melk, suiker, heuning, botter, eiers, gis, koekmeel en geursel in elektriese menger se bak. Klits by hoë spoed met mengspaan ( K-beater) tot mengsel in een bal saamkom. Sit deeg in skoon bak. Draai toe met kleefplastiek en laat rys 45-60 minute op ’n warm plek of tot dubbel die volume. Sprinkel meel op werkvlak, keer deeg uit en druk plat met vingerpunte tot sowat 1 cm. Druk met ’n ronde koekiedrukker van sowat 8 cm sirkels uit. Vat ’n kleiner een van 2 cm en druk ’n gaatjie in die middel van elke groot deegsirkel. Plaas deegsirkels op ’n bakplaat wat met meel besprinkel is en laat rys op ’n warm plek tot dubbel die volume, sowat 10 minute. Terwyl deeg rys, meng versiersuiker en suurlemoensap. Kleur versiersel pienk met paar druppels kleursel. Verhit intussen sonneblomolie en gooi deegsirkels in warm olie. Braai 3-5 minute per kant of tot goudbruin. Dreineer op kombuispapier en rol in kaneelsuiker. Doop elke doughnut in pienk versiersel. Sprinkel strooisels oor. Sit voor.