Reënboog-springmielies

(bl. 8) My ma het altyd hierdie springmielies met die suikerlaag gemaak. Dit bly een van my gunstelinge.

• 60 ml canola-olie

• 220 g (250 ml) rou

springmielies

• 260 g (500 ml) versiersuiker • 150 ml water

• pienk koskleursel

• gekleurde vermicelli

Gooi die olie en springmielies in ’n middelslag-kastrol, sit die deksel op en verhit oor matige hitte tot die mielies begin ontplof. Haal kastrol van die plaat af wanneer die skietgeluide afneem om te keer dat die mielies brand. Verdeel mielies in twee dele en versprei eweredig op twee bakplate wat goed gespuit is met kleefwerende kossproei. Plaas suiker en water in middelslag-pot en bring tot kookpunt oor matige hitte. Verlaag hitte en laat kook

8-10 minute of tot mengsel ’n ligte karamelkleur kry. Gooi pienk koskleursel by en meng deur. Roer ’n paar sekondes. Gooi oor mielies en meng vinnig deur. Hou aan meng tot suikerkristalle op mielies vorm. Laat afkoel en breek los van mekaar. Strooi vermicelli oor en sit voor.