Pomelo-limonade
Dis propvol gesonde vitamien C en baie lekker. Selfs die grootmense sal hiervan hou! GENOEG VIR 2 LITER
• sap van 10 rooi pomelo’s • 125 ml suiker
• sap en skil van 2 suurlemoene
• 1 kg gebreekte ys
• 2 liter sodawater
Plaas pomelosap, suiker, sap en skil van suurlemoene in ’n middelslagpot. Bring tot kookpunt oor matige hitte en laat kook vir 5 minute. Verwyder van hitte en laat afkoel. Plaas in yskas tot yskoud. Gooi stroop deur sif in ’n groot beker of houer van jou keuse. Voeg gebreekte ys en sodawater by en meng. Sit voor.