Reënboogjellie

Bietjie tydrowend, maar dit lyk mooi en dis baie bekostigbaar. GENOEG VIR 8

• 30 ml gelatien

• 50 ml water

• 2 x 385 g-blikke kondensmelk • 4 x 80 g-boksies jellie

van jou keuse

Meng gelatien en koue water saam. Laat staan sowat 5 minute tot sponserig. Plaas kondensmelk in groot mengbak en gooi

500 ml kookwater by. Skep gelatien by en meng deur. Laat staan tot afgekoel, maar nog nie gestol nie. Terwyl kondensmelk afkoel, maak jellie in aparte bakke aan volgens aanwysings op pak. Laat afkoel. Gooi laag kondensmelk-mengsel van 1 cm dik in 8 glaskoppies met volume van 250 ml elk. Laat stol in yskas. Sodra gestol, gooi lagie jellie bo-op. Laat stol weer. Hou aan tot alles opgebruik is. As een van die mengsels stol voor jy dit in die koppies gegooi het, kan jy dit vinnig vir 3 draaie in die mikrogolf smelt – moet dit net nie te warm maak of kook nie. Sit gestolde jellie voor.