Springmielieballe

Maak kinderharte bly met dié balle wat byna soos blomme lyk. GENOEG VIR 6

• 60 ml canola-olie • 220 g (250 ml) rou

springmielies

• 200 g (250 ml) suiker • 125 ml water

• 90 g (100 ml) botter • oranje koskleursel

• 6 sosatiestokke

Gooi olie en springmielies in ’n middelslagpot. Sit deksel op en verhit oor matige hitte tot die pitte begin skiet. Haal van plaat af sodra skietgeluide minder raak en maak seker die mielies brand nie. Versprei mielies eweredig op ’n bakplaat. Verhit suiker en water in ’n middelslag-kastrol en roer tot suiker opgelos het. Sodra mengsel begin kook, hou op roer. Laat kook 5-8 minute of tot ’n ligte karamel vorm. Voeg botter by en skud pot heen en weer tot botter ingemeng is. Gooi paar druppels oranje koskleursel by en skud pot weer versigtig rond. Gooi warm karamel oor mielies en meng vinnig deur met houtlepel. Laat effens afkoel en vorm 6 groot balle – werk vinnig, want jou hande gaan ’n bietjie brand. Druk sosatiestokke in en laat staan tot hard. Sit voor.