Pomelo-limonade
Baie gesond en vol vitamien C!
GENOEG VIR 12-14 GLASE
• 1 stingel sitroengras
( lemon grass) • sap van 10 rooi pomelo’s
( blood oranges)
• 100 g (125 ml) suiker • sap en skil van 2 suurlemoene • 1 kg gebreekte ys
• 2 liter limonade
Gebruik agterkant van ’n mes en kap sitroengras op ’n houtbord tot dit oopbars. Plaas saam met pomelosap, suiker, en sap en skil van suurlemoene in ’n middelslagpot. Bring tot kookpunt oor matige hitte. Kook 5 minute. Verwyder van hitte en laat afkoel. Plaas in yskas tot yskoud. Gooi stroop deur sif in ’n groot ponsbak. Voeg gebreekte ys by. Gooi limonade oor en meng. Sit voor in kleiner glase met papierstrooitjies.
WENK Maak glase van konfytflessies: Spuitverf die deksels in ’n kleur van jou keuse. Boor ’n gaatjie in die deksels waardeur ’n strooitjie kan pas. Gooi limonade in flesse en maak toe.