Warmsjokolade met sneeu
Maak jou eie malvalekkers vir dié soet bederf. GENOEG VIR 8-10
• 30 ml gelatien
• 125 ml koue water
• 440 g (500 ml) strooisuiker
• 250 ml kookwater
• 5 ml vanieljegeursel
• 250 g warmsjokolade-poeier
• 1 liter warm melk • versiersuiker om malvalekkers in te rol
Week gelatien in koue water vir 5 minute. Smelt oor pot met kookwater. Plaas in elektriese menger se bak saam met suiker, kookwater en vanieljegeursel. Klits by hoë spoed vir 10 minute of tot mengsel dik is. Gooi mengsel op ’n bakplaat van 30 x 20 cm wat goed met kleefwerende kossproei gespuit is. Laat stol vir 2-3 uur in yskas. Keer uit op kapplank. Gebruik koekiedrukker met sneeuvlokkievorm en sny vlokkies uit die gestolde malvalekker. Rol in versiersuiker.
Maak warmsjokolade aan met melk en verdeel tussen koppies. Plaas malvalekker in elke koppie en sit voor.
1 Gee vir elke kind sy/haar eie swaanmasker om die middag nog interessanter te maak – en hulle sommer ook soos elegante swane te laat voel.
2 Gebruik opblaasswane saam met goue, wit en roosgoue ballonne vir versiering.
3 Ragfyn goue ornamentele draad maak
’n nessie vir ’n sjoko-eiertjie, nes in ’n sprokie.