Fridasjokoladekoek
Dié tema is tops vir enige ouderdom. Laat kinders hul lyf Mexikaans hou met ’n partytjie vol lewe en energie, nes die eksotiese skilder Frida Kahlo
• 1 x basiese sjokoladekoek (sien bl. 195 – opsie 3)
• 1 x basiese vanieljeversiersel (sien bl. 195)
• 1 eierwit
• 1 ml kremetart
• 300 g versiersuiker, gesif • 5 verskillende helder kleure koskleursel • suikerblommetjies • Frida-blomprent van jou keuse • hout-sosatiestokkie • groot, helderkleurige lekkergoedballe • helderkleurige verjaardagkersies
Plaas eerste koeklaag op opdienbord en skep 80 ml vanieljeversiersel bo-op – as jy dit afmeet, weet jy elke laag gaan ewe hoog en gelyk wees. Smeer versiersel eweredig met slaplemmes oor eerste laag koek. Plaas tweede laag koek bo-op en herhaal proses tot al die koeklae gebruik is. Eindig met versiersel bo-op laaste koeklaag. Smeer laaste versiersel reg rondom koek sodat dit heeltemal bedek is. Plaas koek in yskas vir 2 uur.