Pienk limonade
Voeg varsuitgedrukte vrugtesap by gewone koeldrank, dan weet jy dis gesonder.
GENOEG VIR 1 LITER STROOP
• sap van 10 rooi
pomelo’s
• 125 ml suiker
• sap en gerasperde
skil van 2 suurlemoene
• 1 kg gebreekte ys
• 1 pomelo of suurlemoen,
in ringe gesny
• 2 liter limonade
Plaas pomelosap, suiker en sap en skil van suurlemoene in ’n middelslagpot. Bring tot kookpunt oor matige hitte. Laat kook vir 5 minute. Verwyder van hitte en laat afkoel. Verkoel in yskas tot yskoud. Gooi stroop deur sif in ’n groot ponsbak of ’n koeldrankbeker. Voeg gebreekte ys en pomelo- of suurlemoenringe by. Gooi limonade oor en meng.