Heuningkoek-lekkers
Dis so maklik om te maak. Jy kan dit ook in goeie donkersjokolade doop vir ’n anderste smaak. GENOEG VIR 12
• 75 g heuning
• 200 g (250 ml) suiker • 45 ml water
• 10 g koeksoda
Meng heuning, suiker en water in ’n middelslag-pot. Bring tot kookpunt en laat stadig prut tot ’n goue karamel vorm,
8-10 minute. Terwyl karamel kook, plaas foelie op ’n bakplaat en spuit met kleefwerende kossproei. Verwyder karamel van hitte en gooi koeksoda by. Meng vinnig deur met ’n draadklitser en keer versigtig uit op foelie. Moenie te veel skud of beweeg nie, jy wil hê die mengsel moet ’n goue skuim vorm. Laat dit afkoel tot hard, sowat 30 minute. Verwyder van foelie en breek in growwe stukke. Sit voor saam met warm melk.