So te sê op die see

Sarie Woon - - Voorblad - FOTO’S HENK HATTINGH

Na­der aan die wa­ter kan jy nie. Hier­die ge­sin is gek oor die strand, see en wa­ter­sport en het hul Kom­me­tjie-huis Peb­bles ge­doop, die naam van die ge­wil­de bran­der­plank­strand reg by hul voor­stoep

IN KLEU­RE VAN DIE SEE

Vir die sit­ka­mer het hul­le wit en blou ge­kies om by die kleu­re van die om­ge­wing te pas. Die kon­ser­ti­na­deu­re van glas skuif oop op die diep hout­dek waar lui en loom dae deur­ge­bring word.

Die meu­bels het los ma­sjien­was­ba­re oor­trek­sels. Die kan­de­laar is van Wey­landts en die vloer is duur­sa­me kwarts (bv. www.quart­z­car­pet.co.za). Die voor­koms word af­ge­rond met groot wit-en-blou doe­rie­mat­te.

Deur die ja­re het die see­lief­heb­ber-ge­sin wat hier bly, el­ke be­skik­ba­re oom­blik oor­ge­ry na Kom­me­tjie waar hul­le as’t wa­re op die strand ge­le­we het. Hier het die kin­ders hul tan­de ge­sny op wa­ter­sport en ver­al bran­der­plank­ry. Op ’n dag sien hul­le toe ’n ou huis reg langs hul guns­te­ling-strand­jie, Peb­bles, is te koop. Die huis het suid­wes ge­front, en hul­le kon dit net nie weer­staan nie.

Al­les het reg ge­voel. Die lig­ging van die huis, so­wel as die ont­span­ne at­mos­feer van die klein strand­dor­pie. Hier kan jy ’n rus­ti­ge vroeg­og­gend-stap­pie in­kry om jou koe­rant en vars crois­sants by die plaas­li­ke bak­ke­ry te gaan koop.

Hul­le het die ar­gi­tek Frank B­öhm (www.frank­bohm­stu­dio.co.za) ge­vra om die huis te her­ont­werp. Dit voel let­ter­lik as­of jy op die strand woon en die huis is so ge­po­si­si­o­neer dat jy heel­te­mal teen die Kaap­se suid­oos­te­wind be­skut is. Uit­sig­te is mak­si­maal be­nut, groot bui­te­kui­er­ruim­tes bring die na­tuur in en glas van vloer na pla­fon sorg vir on­be­lem­mer­de uit­sig­te en ho­pe na­tuur­li­ke lig. Die huis het ’n ruim oop­plan-leef­a­rea met die kom­buis en eet­ka­mer wat saam­vloei. Dit loop uit op ’n hout­dek waar jy jou dae van vroeg tot laat kan om­sit. Op die boon­ste vloer is ’n a­par­te TV-ka­mer – met ’n swe­wen­de sol­der daar­bo – en vier slaap­ka­mers met twee ruim bad­ka­mers. En die mooi­ste is se­ker­lik die diep ven­ster met ’n sag­te ma­tras en kus­sings waar­van­daan jy die wal­vis­se en see­vo­ëls kan sit en dop­hou.

’n Laai­kas hoort nie net in die slaap­ka­mer nie. Dit werk hier baie goed in die eet­ka­mer en is bê­re­plek vir ta­fel­doe­ke en ser­vet­te.

STREK JOU UIT

Kies los was­ba­re oor­trek­sels vir jou meu­bels. Die TV-ka­mer is informeel en ge­mak­lik met ’n op­ge­pof­te, oor­groot boon­tjie­sak (www.fat­sak.co.za) en ’n lek­ker diep rus­bank met ’n ma­sjien­was­ba­re los oor­trek­sel.

HOU WAL­VIS­SE DOP

Die diep ven­ster is se­ker­lik een van die ge­wild­ste hoe­kies in die huis. Die ma­tras­kus­sings roep jou vir ’n mid­dag­sla­pie, of om som­mer vir ure na die wal­vis­se en o­se­aan te kyk.

HIER SLAAP DIE KIN­DERS

Kin­ders is dol op hier­die slaap­ka­mer. Die bed­dens is tus­sen twee mu­re in­ge­bou met ’n groot rooi leer na die boon­ste bed. Die laaie in die on­der­ste bed­ba­sis ver­vang ’n in­ge­bou­de kas. Die vloer­spa­sie is dus mak­si­maal be­nut vir ge­noeg speel­plek in die ka­mer. Die pa­trys­poort-ven­sters pas mooi by die see­te­ma van die huis.

ROOIER EN MOOIER

(bo regs)

In die twee­de bad­ka­mer is knal­rooi ge­bruik

(’n soort­ge­ly­ke kleur is Du­lux Vol­ca­nic

S­plash 2) met ’n tref­fen­de swar­ten-wit vloer. Die hout­pa­neel­werk is so ge­ïn­stal­leer dat dit ’n rak rond­om die ver­trek vorm.

In el­ke huis is daar harts­goed, ’n mooi ou dien­bord uit jou ou­ma se spens of dalk ’n melk­be­ker wat spe­si­a­le be­te­ke­nis het. Ge­bruik hier­die skat­te en stal dit op ’n rak uit.

UIT­SIG ONBEPERK

Die uit­sig van­af die voor­stoep. Hier kui­er die ge­sin al­te graag en kyk hoe hul kin­ders bran­der­plank ry.

’n Piep­klein en per­fek­te seil­boot in ’n bot­tel.

KOM­BUIS OM DIE HOEK

Die kom­buis is funksioneel en mo­dern in­ge­rig met vlek­vry­e­staal­werk­vlak­ke om die stoof en was­bak. Om die voor­koms te ver­sag is lig­te hout vir een toon­bank en die oop rak­ke ge­bruik. Die luik na die eet­ruim­te is hier dui­de­lik sig­baar.

TRAP WAT SWEEF

Die in­te­res­san­te trap lei na die TV-ka­mer en slaap­ka­mers. Langs die trap is ’n in­ge­bou­de rak met boe­ke, skil­de­rye en or­na­men­te.

BONT EN GESELLIG

Die oop­plan-leef­ruim­te sluit aan by die kom­buis met ’n groot, oop luik bo die blou laai­kas so­dat die kok ook kan saam­kui­er. ’n In­te­res­san­te ver­sa­me­ling stoe­le om die ta­fel en die twee­ling­lig­te gee die eet­hoek ’n aard­se en or­ga­nie­se ge­voel.

Sog­gens is ons slaap­ka­mer my guns­te­ling-plek, met sy pa­no­ra­mie­se uit­sig oor die see en Hout­baai in die ver­te

Maak so ’n kop­stuk deur die grow­we kant van Vel­cro op ’n plat plan­kie vas te kram. S­tik die oor­een­stem­men­de sag­ter klou­strook op die om­soom­de ma­te­ri­aal vas. Skroef plan­kie teen muur en druk ma­te­ri­aal vas.

KIES WIT-ENGRYS

Die gas­te­ka­mer straal ’n kalm­te uit met sy sag­te kleur­ske­ma. Pleks van ’n bed­kop­stuk is die blin­ding se ma­te­ri­aal her­haal in die muur­be­hang­sel ag­ter die bed. Dit is met ’n strook Vel­cro teen die muur vas en kan mak­lik af­ge­haal word as jy dit moet was of as jy moeg raak daar­voor.

BADBEDERF

Die hoof­slaap­ka­mer se bad­ka­mer het ’n in­te­res­san­te bad en ’n luuk­se, groot stort. Op die ag­ter­grond kan jy die ruim kle­re­kas sien wat in­ge­bou is in die gang wat na die slaap­ka­mer lei.

Peb­bles kan deur Per­fect Hi­de­a­ways ge­huur word. www.per­fec­thi­de­a­ways. co.za 021 790 0972 Die bui­te-aan­sig van die huis.

Newspapers in Afrikaans

Newspapers from South Africa

© PressReader. All rights reserved.