Nuut in badkamers
Die jongste dekorgiere is nou selfs in jou mees persoonlike ruimtes soos die badkamer te bespeur. Hier is ’n paar wat die toets van die tyd sal deurstaan
Ronde spieël, swart kraan, ’n leer, gekleurde handdoeke
TWEELINGSTORT
Met waterbesparing op almal se lippe, is stort in en bad uit. In die badkamer van Ryno en Marita Palm in die Strand is die stort ruim genoeg ingerig vir die hele gesin. Swart skuifdeure skort die area af. Die koperloodgieterpype wat nie in die muur gesonke is nie, is in die kol volgens die nuutste tendense. Dis ook baie prakties vir enige herstelwerk in die toekoms. Wit metroteëls bedek die muurgedeelte wat kan nat word. Vir kontras is die res van die mure ’n houtskoolgrys geverf.
Koper, stort, swart skuiframe, metroteëls