Rolkoekpoeding

MY MA SE GRENADELLAKAASKOEK

Ek het grootgeword met yskaskaaskoek en eers die gebakte weergawe leer ken toe ek in die stad kom. Hierdie is my ma se resep – natuurlik opgetof!

200 g-pakkie tennisbeskuitjies, fyngemaal 80 g (85 ml) botter, gesmelt 25 ml gelatienpoeier 150 ml water 100 ml suurlemoensap skil van 2 suurlemoene 385 g-blik kondensmelk 385 g-houer gladde maaskaas 500 ml room BO-LAAG 2 x 115 ml-blikkies grenadellapulp 30 ml mielieblom 60 ml water Spuit 30 cm- ronde losboompan met kleefwerende kossproei. Meng koekies en botter goed. Skep mengsel in pan en druk kors stewig met lepel se agterkant op bodem vas. Meng gelatien en water en laat staan 5 minute. Meng sap en skil van suurlemoen met kondensmelk. Voeg maaskaas by en meng tot gladde mengsel met draadklitser. Plaas gelatien in mikrogolfoond en verhit vir 30 sekondes. Voeg by kondensmelkmengsel en meng deur. Klits room tot sagte punte vorm en vou by kondensmelkmengsel in. Gooi in pan en plaas 4 – 6 uur of oornag in yskas. Bolaag Verwyder ring van kaaskoek en plaas kaaskoek saam met die bodem van die pan op opdienbord. Bring grenadellapulp tot kookpunt. Meng mielieblom en water tot gladde mengsel en voeg by grenadella. Roer met draadklitser tot mengsel verdik. Verwyder van plaat, laat afkoel en klits tot glad. Skep op kaaskoek en sit voor.

SJOKOLADEMOUSSE-POEDING (CHARLOTTE RUSSE)

Ons dress dié klassieke nagereg van die 70’s op in ’n rok van sjokolade en vars bessies. genoeg vir 8

KOEKIES 6 eiers, geskei 5 ml vanieljegeursel 115 g (140 ml) strooisuiker 140 g (250 ml) koekmeel versiersuiker vir oorsif VULSEL 25 ml gelatien 120 ml kookwater 100 ml suurlemoensap skil van 1 suurlemoen 385 g-blik kondensmelk 385 g gladde maaskaas 100 g donkersjokolade, gesmelt 500 ml room 100 ml sjokoladesous vir voorsit

MAAK SÓ KLAAR

Voer 20 cm- ronde koekpan met bakpapier uit en spuit goed met kleefwerende kossproei. Pak koekies teen die rand van die pan in ronde sirkel. Meng gelatien en water en roer tot gelatien opgelos is. Meng suurlemoensap en -skil met kondensmelk. Voeg maaskaas by en meng tot gladde mengsel met draadklitser. Voeg sjokolade by en meng goed. Voeg by kondensmelkmengsel en meng deur. Klits room tot sagte punte vorm en vou by kondensmelkmengsel in. Gooi in uitgevoerde pan en plaas 4 – 6 uur of oornag in yskas om te stol. Keer uit op opdienbord. Skep sjokoladesous oor en versier met meringues. Sit voor.