Sjokolademousse-poeding (Charlotte Russe)
DIE WARE BASAARPOEDING
As jy soos ek van die platteland af kom, sal jy weet ’n basaar is ’n groot affêre! En jy gaan nie huis toe voor jy ’n draai by die poedingtafel gemaak het nie.
15 ml gelatienpoeier 30 ml water 80 g-boks framboosjellie (sien onder vir variasies) 400 ml-blik yskoue ingedampte melk 400 g frambose, gepuree
Meng gelatien en water en laat staan vir 5 minute tot sponsagtig. Maak jellie volgens aanwysings op pakkie aan. Smelt gelatien in mikrogolfoond vir 30 sekondes. Meng by jellie. Klits ingedampte melk tot styf. Meng helfte deur die jellie en vou die res in. Vou frambose in. Spoel ’n 2 liter-jellievorm met water uit en gooi die mengsel daarin. Plaas vir 4 – 6 uur of oornag in yskas om te stol. Doop vorm vinnig in kookwater en keer uit op opdienbord. Sit voor met ekstra frambose.
VARIASIES
Vervang framboosjellie Groen: met groen jellie en frambose met 400 g kiwivrug. Sit voor met gekapte pistasieneute.
Vervang framboosjellie Oranje: met lemoenjellie en frambose met 230 g-houer grenadellapulp. Sit voor met ekstra pulp.
FRAMBOOSROOMPOEDING
Makliker kry jy nie – die meeste werk is om die room styf te klop!
400 g frambose ( raspberries) 45 ml versiersuiker 250 ml room 250 ml suurlemoensmeer ( lemon
100 g gevlokte amandels vars vrugte vir voorsit
Gebruik staafmenger en pols frambose en versiersuiker tot gladde mengsel. Klits room tot sagte punte vorm en vou in by framboospuree. Skep lepels vol suurlemoensmeer onder in 4 glase van jou keuse. Verdeel framboosroom tussen die glase. Sprinkel amandels bo-op en sit voor met vars vrugte.
Hoe werk jy met gelatien?
1. Plaas gelatienpoeier in koue water tot sponsagtig. Dis belangrik om dit te spons voor jy dit smelt, anders het jou nagereg ’n korrelrige tekstuur. 2. As jy gelatienvelle gebruik, week dit eers in yswater voor jy dit uit die water haal en smelt. Die resep sal aandui in hoeveel vloeistof jy dit moet smelt. 3. Moet nooit gelatien laat kook wanneer jy dit smelt nie, want jou nagereg gaan nie stol nie. Verhit dit stadig. 4. Een gelatienvel is gelyk aan 5 ml gelatienpoeier.
ROLKOEK-POEDING