Platbrood met saad en geurige hoender met 3 sade
Gee jou kos ’n gesonde geur met die kombinasie van sonneblomsaad-, lynsaad- en kanolasaad-olie in FLORA- margarien. Dis propvol omega 3- en 6-vette, wat goed is vir jou hart en deur die Hart-enberoertestigting van SA goedgekeur word
PLATBROOD • 3 koppies (750 ml) volkoringmeel • 10 ml kitsgis • 5 ml sout • 30 ml elk kanola-, lyn- en
sonneblomsaad • 375 ml kookwater HOENDER • 400 g klein hoenderborsfilette • 30 ml kanola-olie • 15 ml paprika • 1 rooi brandrissie, sade uitgekrap en
fyngekap • 1 knoffelhuisie, fyngekap SALSA • komkommer, blokkies gesny • rooi-ui, fyngesny • FLORA Regular-margarien om te smeer en mee voor te sit
Meng al die bestanddele vir PLATBROOD die brood, behalwe die water, in ’n groot mengbak. Maak ’n holte in die middel van die meelmengsel en voeg genoeg water by terwyl jy meng om ’n sagte deeg te vorm. Maak deeg met kleefplastiek toe en laat rys vir 45 minute op warm plek.
Terwyl die deeg rys, verhit oond tot 190 °C. Meng al die bestanddele vir die hoender in ’n groot mengbak en maak seker die hoender is heeltemal bedek. Voer oondroosterbak met foelie uit en pak die hoenderstukke bo-op. Rooster vir 20 minute tot goudbruin. Verlaag oond se temperatuur na 160 °C en rooster nog 10 minute tot gaar.
Meng al die salsa-bestanddele en hou eenkant. Maak platbrood gaar. Verdeel die deeg in 8 gelyke porsies en rol elkeen op meelbestrooide werkvlak uit in ’n 20 cm-sirkel. Verhit ’n groot braaipan tot warm en skep ’n klein lepel Flora-margarien in pan. Braai uitgerolde deeg sowat 1 en ’n half minuut per kant of tot goudbruin en gaar. Herhaal met al die sirkels.
Smeer warm platbrode met ’n klein bietjie Flora-margarien. Skep lepels vol salsa en hoender bo-op elkeen en vou platbrood toe.