Vind jóú kleur
Daar’s tot 7 000 velkleur-variasies in die wêreld, volgens die skoonheidshuis The Body Shop. Daarby is jou gelaatskleur geneig om te verskil van seisoen tot seisoen weens faktore soos sonblootstelling. The Body Shop het nou twee nuwe produkte waarmee jy d
sou ons vir drie dae weer saamkuier. Maar sy het ’n lang doenlys – mense wat sy wil sien, goed koop wat nie in haar woestynstreek beskikbaar is nie. Ons kan nêrens net vir ’n halfuur sit en gesels en koffie drink nie. My hart is seer. Boonop val my geleentheid terug huis toe saam met ’n ander vriendin deur die mat en ek neem noodgedwonge die trein huis toe.
Ek word op die stasie beroof. My wêreld val uitmekaar. Dis die een teleurstelling ná die ander. Ek wil net alleen wees met my kind, by my huis. Ek moet teruggaan werk toe, maar ek kan nie kliëntediens doen met ’n vreesgevoel nie.
Nou is ek besig om myself te ontdek, te herstel en net ’n bietjie te herkou. Ek hoop my dorheid sal weer blom.
it is ses jaar sedert SARIE Voorbladgesig vir die eerste keer aangekondig is. Landwyd het die wedstryd onmiddellik opslae gemaak. Dis nie aldag dat lesers die geleentheid kry om op die voorblad van ’n glanstydskrif te wees nie. Steeds stroom die inskrywings met elke nuwe jaar in, want ’n voorblad bly vir baie ’n bietjie van ’n droom . . .
Nog nooit het ’n Sarie-wenner teleurgestel nie. Inteendeel, die een boodskap wat die jare soos ’n goue draad bind, is dat hierdie vroue dalk moeiteloos mooi op ons voorblad lyk, maar leer jy hulle ken, is elkeen soveel meer. Dis vroue wat al ’n pad gestap het en ongeag ouderdom al werklik met die lewe kennis gemaak het. Dit is vroue met deursettingsvermoë en innerlike sterkte, met humor en positiwiteit. Vroue wat almal ’n storie het om te vertel.
“Elke jaar voel vir my soos die eerste,” sê SARIEredakteur, Michélle van Breda. “Van vooraf die fladdering van opwinding om die inskrywings te sien, die byna onmoontlike taak om die finaliste uit derduisende te kies, en dan om uiteindelik die top-10 in lewende lywe te sien. Elke keer word ek verras en is hulle mooier as op hul foto’s. Want dan ontmoet jy die mens agter die gesig, agter die mooi glimlag, agter die mooi bos hare.
“Jy sien die energie, die armsvol passie, die ek-kán-dit-doenhouding. Jy geniet die snaaksighede en humor. Maar jy sien ook soms die spore van seer en die tekens van onsekerheid. Jy voel die dringendheid aan van ek-móét-hierdie-vir-myselfdoen. Dis dán dat vroue net mooier word – wanneer daar ’n lewenswysheid en rykheid agter die mooi glimlag en oë skuil. Dis dan dat jy ’n wenvoorblad kry.
“Dié jaar het ons besluit om vir albei wenners ’n voorblad te gee. Nicola en Elmaré verdien dubbel en dwars hul SARIEvoorblad! In die meeste winkels sal die twee wenvoorblaaie langs mekaar op die rak lê.”
SARIE Voorbladgesig gaan vir seker oor meer as skoonheid, en Fanie Cronjé, SARIE se stylredakteur, verwoord dit só: “SARIE soek vroue wat real is en nie voorgee om iets te wees wat hulle nie is nie. Albei vanjaar se wenners voldoen perfek aan dié definisie.”
Die een wenner (kategorie 18 – 30), Nicola Smit (22) van Kraaifontein, is ’n petite brunet,’n au pair en deeltydse onderwysstudent aan Unisa. Haar ma, Adelle,’n SEBbestuurder, het haar ingeskryf. “Want ek het nie gedink ek staan hoegenaamd ’n kans nie,” was Nicola se onmiddellike kommentaar oor waarom sy nie self ingeskryf het nie.
Die ander wenner (31 plus-kategorie), Elmaré Schutte (41), ’n transformasiebeampte van Pretoria, verwys na haarself as “’n plat-op-die-aarde-ma”, met wie sy glo baie ander vroue kan identifiseer. Sy glo jy hoef nie perfek te wees nie.
Vir Fanie staan albei uit as wenners omdat hulle toelaat dat hul natuurlike skoonheid die praatwerk doen. “Hulle ís net mooi. Hulle is outentiek, met oë wat opreg lag,” reken hy.
Hy beskryf Nicola as ’n bietjie geheimsinnig en ’n introvert, “maar sy trek jou in, want hoe meer jy kyk, hoe mooier word sy”. Elmaré is dinamies-mooi, meer van ’n ekstrovert.
’n Klompie weke voor die groot aand het al tien finaliste die kans gekry om soos wenners te voel. SARIE se Voorbladstileerspan in Johannesburg het hulle onder hande geneem en ’n kykie gegee van hoe dit agter die skerms lyk tydens ’n voorblad- en modesessie. Daar in die ateljee het hulle eerstehands ervaar dat dit soms harde werk verg om die kamera tevrede te stel, al het jy ’n goeie beenstruktuur en mooi lyf. Dis aan- en uittrek, hare diékant toe en daaikant toe, grimering sagter, sterker . . . en dan nog ’n gedraai en swaai voor een van die land se topfotograwe, Leana CluniesRoss, wat nie opgee voor sy die regte foto het nie.
Maar ná ’n vol, opwindende, en by tye spanningsvolle dag in die ateljee, het Nicola beaam wat die ander finaliste ook gevoel het: “Ek wou nie hê die dag moes ooit eindig nie!”
Daarna het die video-opnames nog gewag, ook ’n eerste vir ons finaliste. Maar hulle het hul ding gedoen. Uit die hart gepraat, hul stories gedeel en ook lekker gelag – dikwels vir hulself.
“Dit is belangrik om in jouself te glo en jou nie met ander te vergelyk nie. Ontwikkel eerder jou eie talente en wees bly as ander uitblink,” was Elmaré se kommentaar op kamera.
(Ten tyde van die onderhoude was die finale wenners nog nie gekies nie.)
Ook Nicola, wat al hoe meer ontluik het soos die onderhoud gevorder het, het later gesê: “Eintlik wil ek net sê, jy kán jou drome bereik.”
Hier is ons twee wenners se stories. >