NUUT OP DIE RAK
Weg met kroeserige hare! ’n Nuwe haarsorgreeks van L’oréal Paris Elvive behandel hare wat vaal, bros en tot erge kroeserigheid geneig is. Dit bevat kragtige swart olie ( wat jou hare diep binnedring om die haarskag intens te voed en skade te herstel. Mikrokeratienmolekules bedek ook die haarkutikel (die buitenste deel) sodat jou hare glad en sonder kroeserigheid is. Kies uit ’n sjampoe, opknapper en aanbly-behandeling.
Al hoe meer naellakreekse bied nou formules wat die langdurige kleur en glans van ’n jelmanikuur beloof, sonder dat ’n draai by die skoonheidsalon nodig is. Dié reeks van Essie spog met 21 pragskakerings en ’n jel-bolaag wat sorg vir splintervrye kleur met meer glans. ’n Unieke spiraalvormige aanwendingsborsel help boonop dat die formule meer egalig by die borsel afloop sodat dit makliker is om die kleur eweredig en netjies aan te wend.
’n Nuwe reeks lyfsorgprodukte van die velsorghuis Johnson’s bevat lyfwasse, lyfsepe en ligte lyfrome in verleidelike geure, wat elk met ’n vrugte- of blombestanddeel verryk is. Kies tussen druiwepitolie, rooswater, papaja-, framboos- en granaatblom-ekstrak. Danksy galambotter in die lyfroom voel jou vel heeldag sag en bevog. As jy soms lui is om jou gesig te was, gebruik sommer ’n gesiglappie om jou vel skoon te maak. Nivea se nuwe gesiglappies is geformuleer vir ’n sensitiewe vel, verwyder selfs waterbestande grimering én bevog jou vel. Daar is twee tipes – een vir ’n droë velsoort en een vir ’n normale/kombinasie-vel.
As jy gedink het jy sal nooit ’n gesigolie kan gebruik nie omdat jou vel reeds maklik olierig word, is dié produk vir jou! ’n Nuwe weergawe van die skoonheidshuis Justine se gewilde Tissue Oil is spesiaal ontwikkel om jou vel maklik te penetreer. Dit het boonop ’n mat-afwerking. Die vitamien E en amandelolie daarin kalmeer rooiheid en hou jou vel sag. SARIE.COM Dis reeds tien jaar sedert die bekendstelling van Tom Ford se gewilde parfuum Black Orchid, waarvoor hy spesiaal ’n swart orgidee laat kweek het. Dié nuwe, varser weergawe bevat sprankelnote soos pienk peperbessie en bloedlemoen en blomnote soos lelie en soetemaling. Swart orgidee is steeds deel van die hartnote.
Die bekende Franse velsorgreeks La RochePosay is nou in SA beskikbaar. Elke produk bevat suiwer mineraalwater ( thermal water) afkomstig van ’n bron in die gelyknamige Franse dorpie, en die reeks werk goed vir ’n sensitiewe vel. Boonop glo dié velsorghuis dat doeltreffende sonbeskerming teen UVAen Uvb-strale regdeur die jaar nodig is. Dié sonskerm het ’n ligte tekstuur en sal nie jou vel irriteer nie. Die Amerikaanse grimeerkunstenaar Bobbi Brown se grimeerhuis is vanjaar 25 jaar oud! Ter viering van dié mylpaal is ’n eksklusiewe grimeerreeks, geïnspireer deur Bobbi se drie gunsteling-wêreldstede, New York, Londen en Parys, bekend gestel. ’n Oogskadu-en-blospalet, jel-oogomlyner en lipstiffie is vir elke stad geskep in skakerings wat die unieke gevoel van die betrokke stad vasvang. Daarby pronk die oogskadu-palette elkeen met ’n oulike getekende kunswerk van die stad.
WORD ’N SKOONHEIDSTERAPEUT!
Vir skoonheidsliefhebbers wat nie die tyd en/of geld het om ’n jaar of twee aan ’n heeltydse skoonheidskursus af te staan nie, bied die Imbalie Training Academy nou verskeie kortkursusse. Buiten die teorie wat jy aanlyn doen, kry jy ook praktiese ondervinding en help hulle jou om jou werksoekvaardighede te verbeter. Die kursusse sluit in permanente grimering, masserings, gesigbehandelings, wenkbroue, vals wimpers en meer.