KOREAANSE INSPIRASIE Probeer

Suid-korea is toonaangewend as dit kom by skoonheidstendense, en die gemiddelde vrou hier se velsorgroetine bestaan uit tot 12 stappe, volgens ’n artikel in die Britse Vogue. Skoonheid is dus ’n groot bedryf in dié land en dit is glad nie verrassend dat hulle met allerlei interessante produkte soos gesigmaskers in die vorm van ’n gesiglappie ( sheet masks) en Bb-rome vorendag kom nie! Die volgende groot gier uit dié land is sogenaamde cushion compacts – ’n produk met ’n kussinkie wat met vloeibare onderlaag deurdrenk is en waarop jy ’n sponsie druk om die onderlaag vry te stel voor jy dit aanwend. Dié slim produk, wat byna deursigtige bedekking bied, sorg dat jy net genoeg onderlaag gebruik. Die eerste van hierdie onderlae het SuidAfrika bereik en ons voorspel dit gaan vorentoe ’n groot skoonheidstendens wees.

Vir aanhangers van die Franse mode- en skoonheidshuis Yves Saint Laurent is daar goeie nuus: Hul grimering is nou by die eksklusiewe YSL Beauté Boutique in Sandton City in Johannesburg beskikbaar. Kies uit produkte soos hul ikoniese Touche Éclat (R600), ’n verbloemer en verligter in een, of iets nuuts soos Babydoll Kiss & Blush (R590, foto), ’n produk wat kleur aan jou lippe én wange gee. Ter viering van hul 40-jarige bestaan stel die Switserse horlosiemaatskappy Raymond Weil ’n nuwe manshorlosie, die Freelancer Skeleton, bekend. Die eerste Freelancer-horlosie is in 2006 deur die derde geslag van dié familie bekend gestel ter ere van die maatskappy se stigter, Raymond Weil. Die stylvolle Freelancer Skeleton (prys op aanvraag) se gesig van staal is bedek met ’n swart Pvd-laag (Physical Vapor Deposition). Die wysers is van roosgoud en die horlosie het ’n swart kalfsleerbandjie. Raymond Weil-horlosies word versprei deur Picot & Moss. www.picotandmoss.com Die veerligte, douerige onderlae wat tans hoogmode is, val nie in almal se smaak nie. As jy ’n mat-onderlaag verkies, maar steeds wil hê jou vel moet straal, is die skoonheidshuis Chanel se nuwe onderlaagformule, Le Teint Ultra Tenue Compact (R970), ’n goeie keuse. Dit bevat twee soorte poeier: Die een weerkaats lig vir ’n helderder vel en die ander versprei lig om porieë kleiner en jou veltekstuur gladder te laat lyk. ’n Vloeibare formule, Fluid Foundation (R900), is ook beskikbaar. As jy ’n vrygees is, is dié reeks geïnspireer deur ’n woestynskoonheid, die kaktus, vir jou. Die Cartierring en bypassende halssnoer kry volume met geometriese koepels van 18-karaat-goud, verlig deur kosbare doudruppels en krone van stralende lapis lazuli en diamante. Pryse op aanvraag. www.cartier.com