Ons inspirasie
SÊ S-O-M-E-R!
Lang dae met ’n son wat amber#rooi sak. En dan wil jy nog vars voel én lyk. Clarins Fix’ Make-up is die koel antwoord. Sproei net ’n fyn mis soggens oor jou grimering en dit bly daglank in plek. Aalwyn hou jou vel bevog, terwyl die ligte geur van pomelo-ekstrak en rooswater s-o-m-e-r spel! Prys: R335
VERLIEF, VERLORE
Hemel is ’n sweempie J’adore! Het jy geweet Charlize Theron is die afgelope 12 jaar die gesig van dié goue geur? In elke advertensie verskyn sy in ’n nuwe goue rok, soos nou weer in die jongste veldtog. Die gewilde parfuum word nou ook vasgevang in ’n luukse-lyfolie, J’adore Huile Divine. Vir ’n nuwejaar-bederf, gooi net ’n paar druppels in jou badwater.
The Rhinos Are Coming is ’n opwindende veldtog ten bate van Stoprhinopoaching.com. As die skarefinansieringsveldtog volgens plan verloop, want dis nie goedkoop om ’n lewensgroot renoster te maak nie, skop tien “ambassadeurs” hul groot toer in Februarie af. Dié renosters, beskilder deur Suid-afrikaanse kunstenaars, sal in Kaapstad en omstreke “paradeer”. Die mikpunt is om teen einde Desember vanjaar 100 lewensgroot beskilderde renosters in Kaapstad op te veil om te help in die stryd teen stroping. Besoek Thundafund.com en The Rhinos Are Coming op Facebook.
79%Die persentasie verbruikers wat verkies dat regte kontak met regte mense deel bly van kliëntediens – al is daar al hoe meer digitale kanale en opsies. ’n Studie onder meer as 24 000 verbruikers in 12 lande (ook SA) wys baie mense se eerste keuse is om die foon te gebruik (24%) of om self in die winkel in te gaan (23%). Soos ’n woordvoerder van Verint, wat die studie gedoen het, verduidelik: “Mense soek steeds daardie menslike interaksie as ’n opsie.”