Hoe rooier,
Vurig en passievol . . . so voel ons oor mooi aantrek. Volrooi, knalrooi, nuwejaar#rooi – in 2017 sit rooi woema in jou stap en styl in jou klerekas
MODE-INTERN LEZAAN NEL GRIMERING EN HARE
MODEL
FOTOGRAAF SE ASSISTENT SAM BOWKER
Botox stryk fyn lyntjies op jou voorkop en om jou oë uit, vullers plomp dieper plooie uit, diep chemiese afskilfering ( peels) en laser maak hiperpigmentasie (donker vlekke) ligter. Dit is maar ’n paar van die behandelings om te beproef in die nuwe jaar.
Selfs die sogenaamde vampier-gesigsbehandeling wat danksy werklikheidster Kim Kardashian in die kollig is, is in SA beskikbaar. Met dié behandeling, ook bekend as plaatjieryke plasmabehandeling (PRP), word jou bloed getrek en dan vinnig in ’n toestel gespin om die geel bloedplaatjieryke plasma van die res van die bloed te skei. Die plasma, wat groeihormone bevat, word dan óf in jou gesig gespuit óf oor jou gesig gesmeer, waarna ’n estetiese dokter ’n spesiale pen met fyn naalde oor jou gesig trek om die plasma in jou vel in te druk (’n verdowingsroom help om die pyn te verlig). Dit help om kollageen en elastien aan te wakker vir ’n gesonder vel. Die dokter sal jou vel ondersoek en bepaal hoeveel behandelings jy nodig het, het dr. Anushka Reddy, ’n estetiese dokter van Johannesburg, verlede jaar by ’n mediageleentheid gesê. Die eindresultaat hou sowat 18 maande, volgens haar.
En as jy werklik waaghalsig is, kan jy vaginale verjonging ( vaginal rejuvenation) beproef wat radiofrekwensie-tegnologie inspan om die skaamlippe te help verferm.
Vele meer behandelings is op die spyskaart, ook vir bv. selluliet en vetverlies. Vir die meeste skoonheidsprobleme is daar nou ’n (vinnige) oplossing.