KATE MIDDLETON SE HAARBORSEL IN SA
Die hertogin van Cambridge, Kate Middleton, is bekend vir haar perfekte, uitgeblaasde hare. In ’n video-onderhoud verlede jaar met die internasionale tydskrif
het Kate se haarstileerder van die afgelope tien jaar, Richard Ward, stap vir stap verduidelik hoe hy Kate se kenmerkende haarstyl, ook bekend as die Chelsea Blow Dry, skep. Ons gunstelingdeel van die onthulling? Die haarborsel wat hy gebruik om haar nat hare uit te kam voordat hy dit begin droogblaas. Dit lyk sowaar soos ’n prinseshaarborsel uit ’n Disney-fliek! Volgens Richard werk die antibakteriële Tangle Angel-haarborsel (R299) se dun plastiekborselhaartjies goed om koeke maklik en deeglik uit jou hare te kam sonder om dit ná die tyd staties te laat.
Beskikbaar by uitsoeksalonne, www.tangleangel.co.za en www.retailbox.co.za
1Golf jou hare rofweg met ’n stileeryster of krultang. Krap dan jou hare liggies met jou vingers deurmekaar en spuit ’n haarsproei aan wat volume en tekstuur aan jou hare gee.
Die oorspronklike Purely Pampering-lyfwas en koekie seep van Dove met galambotter en vanielje was heerlik vir die wintermaande. Die nuwe toevoeging tot die reeks is net betyds vir die somer en ruik na ’n seevakansie danksy die geure van klappermelk en jasmyn. Dié nuwe reukweerder help om jou vir lank vars te hou danksy tegnologie wat bakterieë teenwerk. Dit bevat ook fyn mikrokapsules waarin geur vasgevang is. Dié kapsules bars deur die loop van die dag met wrywing oop en stel deurlopend geur vry.
Dikwels vermy vroue sonskerm vir hul gesig omdat dit swaar en olierig voel. Maar met ons warm, sonnige somermaande kan jy nie tyd in die buitelug deurbring sonder om jou vel te beskerm nie. Die oplossing is ’n sonskerm met ’n ligte formule wat maklik absorbeer soos dié nuwe een van die velsorghuis Nivea. Dit laat nie ’n wit laag op jou vel agter nie én is waterbestand. Wend dit vóór jou onderlaag aan. Clinique PepStart Hydroblur Moisturizer (R395) Vereenvoudig jou velsorgroetine met dié nuwe vogroom. Dit het ’n ingeboude basislaag ( primer) wat jou veltekstuur gladder laat lyk en grimering langer laat hou. Dit hou ook olierigheid onder beheer en het ’n mat-afwerking. Het jy ook al by die huis uitgedraf sonder om vogroom aan jou lyf te smeer omdat jou oggendroetine net te gejaagd was? Met dié nuwe vogroom in sproeivorm kan jy jou lyf binne sekondes bevog. Spuit die formule oor jou hele lyf en vryf dit in jou vel in.
Wanneer jou vel oor jare te veel aan die son blootgestel is, veroorsaak skadelike Uv-strale velprobleme soos hiperpigmentasie (donker vlekke) en tekens van veroudering. Die plaaslike velsorghuis Lamelle het ’n sonskerm ontwikkel wat nie net jou vel teen Uv-strale beskerm nie, maar ook help om selle te herstel wat deur die son beskadig is. Soos ons ouer word, verloor ons vel volume en fermheid weens proteïene soos kollageen en elastien wat afneem. ’n Nuwe velsorgreeks bevat bestanddele wat die vorming van dié proteïene bevorder en dit ook teen omgewingsfaktore beskerm. ’n Gesigolie is ook deel van die reeks.