Stories Nuwetrend DIE 90’S SE KARTELS IS TERUG
2
Haarmodes uit vorige dekades geniet elke nou en dan weer ’n oomblik in die kollig. Eers was dit die herlewing van die toe die mikrokuif, en nou lyk dit asof die 90’s se gekartelde ( crimped) hare óók ’n terugkeer maak. Die kartels gee tekstuur en volume aan jou hare – byna soos wanneer jy jou hare sou pluiskam ( maar sonder dat dit grof en vol koeke is. Dit kan selfs fyn hare voller laat lyk, berig die Amerikaanse skoonheidstydskrif aanlyn. Boonop is hare met ’n gekartelde tekstuur ’n goeie basis vir ’n meer formele opstyl. Die beste manier om die voorkoms te skep is om ’n spesiale kartel-hittetoestel te gebruik. Gebruik altyd ’n produk wat jou hare teen hitte beskerm vóór jy dit kartel. Wend dan ná die tyd ’n stileringsproduk aan wat kroeserigheid voorkom en glans gee.
Middelpaadjies lyk veral sjiek saam met gladgestrykte hare. Steek jou hare agter jou ore in om die styl ’n moderne kinkel te gee.
’N BOTTELTJIE SERUM NÉT VIR JOU
Nie een van ons het presies dieselfde velkwessies nie. Daarom het die velsorghuis ’n serum bekend gestel wat fokus op jóú unieke probleme. Voordat jy met ’n botteltjie wegstap, ontleed ’n konsultant jou vel en stel die serum saam. Dit bestaan uit ’n basis waarin 2 konsentrate, wat jou twee grootste velprobleme behandel, gemeng word. Altesame 5 konsentrate is beskikbaar en behandel veroudering, rooiheid, vaalheid, vergrote porieë en ’n growwe veltekstuur. Gebruik dit daagliks vóór jou vogroom. Met ons warm somermaande kan jy maar ’n ekstra produk by jou grimeerroetine voeg: ’n gesigsproei. ’n Paar spuite in die oggend ná jy gegrimeer het, hou jou grimering in plek, en in die middag verfris dit jou vel. Probeer een van dié produkte: 1. Vitamien A en C in Avon Makeup Setting Spray (R149) help om skade aan jou vel weens omgewingsfaktore te voorkom. Skakel 0860 102 345 2. Spuit dit vóór of ná jou grimering aan om olierigheid te beheer – Bodyography Pro Ready, Set, Go Makeup Setting Spray (R340). By uitsoektakke van Placecol-, Dream Nailsen Perfect 10-salonne 3. Trots SA! Die formule van Me & Youth Quick Makeup
(R250), wat ook jou vel bevog, bevat strelende rooswater en aalwyn- en komkommer-ekstrak. Beskikbaar by uitsoeksalonne of besoek www.meandyouth.com