Borrie vir bedruktheid?
Borrie word al eeue lank in volksgeneeskunde gebruik. Nou is daar ’n groeiende lys toestande waarvoor dit dalk voordelig kan wees, insluitende Alzheimersiekte en depressie
Watweet jy van borrie? Ja, dis geel, ’n spesery en word wêreldwyd by kerrie en rysgeregte gevoeg.
Dis ook die afgelope twee jaar in die Google Food Trendsverslag as “ster-bestanddeel” aangeprys. En duik op in van tee tot sappe en aanvullings.
Borrie se meteoriese opgang op die gewildheidsleer is gedeeltelik te danke aan sy gesondheidswaarde. Dit bevat boonop geen kafeïen nie. Die vars borriewortel word duisende jare al in volksgeneeskunde gebruik vir sy antioksidantiese en anti-inflammatoriese werking. Dis die aktiewe bestanddeel, kurkumien, wat dit so ’n kragtige geneesmiddel maak. Kurkumien is die Asiatiese weergawe van aspirien, wat oorspronklik uit wilgerbas-ekstrak onttrek is.
Kurkumien word hoog aangeslaan in die Ayurvediese medisyne (antieke Indiese holistiese geneeskuns) as ’n “reiniger van die liggaam”. Nie net word dit gebruik as antiinflammatoriese middel om pyn en inflammasie te verlig nie, daar is ook aanduidings dat dit kankerwerende eienskappe het. Navorsers ontdek nou ’n groeiende lys van siektes waarvoor dit voordelig kan wees, volgens ’n artikel op die webtuiste van die Amerikaanse nasionale sentrum vir biotegnologie (www.ncbi.nlm.nih.gov).
“Dis die plant wat die meeste in die wêreld bestudeer word. Tik ’n meestersgraad in voeding.
Volgens die Wêreldgesondheidsorganisasie is chroniese leefstylsiektes die grootste oorsaak van dood wêreldwyd (63%) en voorkombaar. Die beste manier is deur chroniese inflammasie te behandel, sê sy.
Daar is twee soorte inflammasie: Die een is akute inflammasie, wat jou liggaam se respons is om homself te genees as jy byvoorbeeld jou vinger sny. Die ander soort, chroniese laegraadse inflammasie, knaag oor tyd aan jou liggaam, lank voordat jy enige simptome het. Dit veroorsaak stres op selvlak, lei tot selskade en uiteindelik tot toestande soos hartsiektes, tipe 2-diabetes, artritis, kanker, Alzheimersiekte en selfs depressie.
Vanessa sê toestande wat op “-itis” eindig, soos osteoartritis, rumatoïede artritis en sinusitis, reageer goed op kurkumien – jy kan binne 24 tot 48 uur al beter begin voel. Anders as anti-inflammatoriese middels het dit geen newe-effekte nie. Dit help verlig ook fibromialgie, spastiese dikderm en Crohn se siekte.
“Veral fibromialgie. Interessant genoeg is die grootste klagte gewoonlik pyn en ’n donker gemoed. Laasgenoemde word waarskynlik deur die pyn/ inflammasie veroorsaak, of vererger,” verduidelik Vanessa. ’N GESONDE BREIN GEWIG Jou liggaam bevat “goeie” vetselle, oftewel bruin vetselle, met die hooftaak om kilojoules te verbrand. En “slegte” vetselle, ook genoem wit vetselle, wat energie vir toekomstige gebruik stoor. By vetsugtige en oorgewig mense oorheers die “wittes”, veral op die maag, een van die risikofaktore vir ’n hartaanval. Kurkumien word gekoppel aan die verandering van die struktuur van vetselle ten gunste van die “goeies”, suggereer ’n Koreaanse studie in die Journal of Nutritional Biochemistry. DIABETES Kurkumien kan help om insulienvlakke te normaliseer en verminder insulienweerstandigheid (abnormale hoë bloedsuikervlakke), ’n voorloper van tipe 2-diabetes, volgens ’n Thaise studie in die Amerikaanse joernaal Diabetes Care (care.diabetesjournals.org). Raadpleeg jou dokter voordat jy ekstra kurkumien inneem as jy medikasie vir diabetes gebruik, aangesien dit lae bloedsuiker kan veroorsaak. HARTGESONDHEID Dit lyk asof kurkumien hartaanvalle kan afweer by mense wat onlangs ’n hartomleiding gehad het, volgens ’n klein studie in die American Journal of Cardiology (www.ajconline.org). Maar die langtermyn-uitwerking daarvan op dié pasiënte is nog nie bepaal nie en groter studies moet nog gedoen word. Praat met jou dokter voordat jy nuwe aanvullings neem ná chirurgie. of Affective Disorders, KANKER Studies met mense is steeds in die vroeë stadium, maar in laboratoriumtoetse op diere lyk kurkumien belowend in die geveg teen kanker, volgens die Amerikaanse kankervereniging. Dit het selfs kankerselle doodgemaak, gewasse laat krimp en die effek van chemoterapie in diere ’n hupstoot gegee (www.cancer.org).
KONTAK: Vanessa by vanessa@vdanutrition.com of besoek vdanutrition.com