Ken jy jou etikette?

’n Omgewingsvriendelik e of groen leefstyl raak al hoe gewilder. Selfs in die skoonheidswêreld word dit makliker om omgewingsbewuste keuses te maak danksy ’n groter verskeidenheid groen produkte wat wyer beskikbaar is. Robyn Smith, stigter van Faithful to Nature, ’n aanlyn winkel met organiese en natuurlike produkte, verduidelik die belangrikste etikette waarvan jy moet weet wanneer jy dié soort skoonheidsprodukte kies: 1Etiket Natuurlik Wat dit beteken Skoonheidsprodukte wat as natuurlik beskryf word, bevat hoofsaaklik bestanddele wat in die natuur voorkom. Dit bevat dus min of geen chemies vervaardigde of sintetiese bestanddele. Wat jy moet weet Die gebruik van die woord natural op die verpakking van skoonheidsprodukte word nie gereguleer nie. Dit beteken sommige van dié produkte bevat ’n klein hoeveelheid natuurlike bestanddele, terwyl die res sinteties is. Lees die bestanddelelys om te sien hoeveel van die bestanddele natuurlik is.

2Etiket

Organies gesertifiseer Wat dit beteken ’n Organiese etiket op skoonheidsprodukte verwys hoofsaaklik na die oorsprong van die produk se bestanddele. Dit bevat bestanddele wat sonder chemiese plaagdoders of kunsmis gekweek is. Die bestanddele is ook nie geneties gemanipuleer nie. Wat jy moet weet Die meeste etikette sal spesifiseer wanneer net spesifieke bestanddele in die produk organies gesertifiseer is, of wanneer al die bestanddele (en dus die produk as geheel) organies gesertifiseer is.

3Etiket

Veganisties Wat dit beteken Veganistiese skoonheidsprodukte bevat geen bestanddele wat van diere of die neweprodukte van diere afkomstig is nie, soos gelatien, heuning, byewas, melksuur of lanolien (olie wat uit skaapwol verkry word). Wat jy moet weet Veganistiese skoonheidsprodukte kan wel sintetiese weergawes van dierebestanddele bevat. 4Etiket Sonder wreedheid ( cruelty free) Wat dit beteken Die formules en bestanddele van skoonheidsprodukte met ’n “sonder wreedheid”-etiket is geensins op diere getoets nie. Wat jy moet weet Die produkte kan steeds sintetiese weergawes van dierebestanddele of -neweprodukte bevat.

1. Al die plante wat in Esse-produkte gebruik word, word wild gekweek en in die Afrika-bosveld versamel. Die Esse Cream Cleanser (R250 vir 100 ml) bevat strelende aalwyn-ekstrak en maroela-olie. By uitsoeksalonne en -spa’s of aanlyn by www.faithful-to-nature.co.za 2. Organiese roosbottel-olie in die plaaslike skoonheidshuis Skoon se Rosehip C+ Concentrate (R565) is ryk aan vitamien C en help jou vel se natuurlike herstelproses aan. Beskikbaar by uitsoek-gesondheidswinkels of aanlyn by www.faithful-to-nature.co.za 3. Die vogroom The Body Shop Tea Tree

Mattifying Lotion (R125) is veganisties. Dit bevat teeboomolie ( tea tree oil) wat antibakterieel is en help om oortollige olie op jou vel te absorbeer 4. Dié veganistiese onderlaag bedek jou vel én takel fyn lyntjies – Bodyography Silk Cream Compact Foundation (R394). By uitsoektakke van Placecol-, Perfect 10en Dream Nails-salonne 5. Natuurlike bestanddele soos heuning en rooi ginseng-wortel in die vogroom Kiehl’s Pure Vitality Skin Renewing Cream (R895) hou jou velwand sterk en gesond 6. Elke produk van die Britse skoonheidshuis Lush bevat natuurlike bestanddele en word met die hand gemaak en verpak. Probeer die lipskrop Lush Mint Julips Lip Scrub (R105) met pepermentolie en vanielje-ekstrak. By Lush-winkels of aanlyn by www.lush.co.za