HAARSTORIES

Is gesonde hare belangtiker as seks

In ’n peiling onder sowat 1 000 vroue van 18 tot 39 jaar in Gauteng, Kwazulu-natal en die Wes-kaap is bevind dat gesonde hare vir baie vroue net so belangrik is soos ’n selfoon en toegang tot die internet, en vir party selfs belangriker as seks. Die peiling deur die navorsingsgroep Insight Survey, in samewerking met die haarsorgreeks Plantur 21, het ook aangedui dat sowat die helfte van die deelnemers sê hulle ly aan haarverlies.

Volgens ’n mediaverklaring deur dr. Adolf Klenk, ’n Duitse haarsorgkenner, is dié resultate ’n goeie aanduiding dat dit nie net vroue bo 40 is wat bekommerd is oor haarverlies nie, maar ook jonger vroue. Haarverlies by vroue bo 40 word gewoonlik veroorsaak deur ’n wisseling in jou liggaam se estrogeen- en testosteroonvlakke, wat die groeifases van jou haarwortels verkort en tot haarverlies lei, sê hy. Onder jonger vroue is dit meestal ander faktore soos stres en ’n ongesonde of uitermate streng dieet wat haarverlies veroorsaak.

“Jou haarwortels het baie energie nodig vir jou hare om te groei. Streng diëte kan veroorsaak dat te min voedingstowwe die wortels bereik. Tesame met spanning kan dit tot bros hare en voortydige haarverlies lei,” het dr. Klenk verlede jaar met ’n besoek aan SuidAfrika gesê.

Voorkom voortydige haarverlies met dié wenke 1Eet kos ryk aan gesonde vette, soos avokado’s, olieryke vis en sade. Dit stimuleer die bloedsirkulasie na jou kopvel. Só kom meer suurstof en voedingstowwe by jou haarfollikels uit, wat jou haarwortels voed en gesonde haargroei bevorder. 2Buiten

dat jy die probleem van binne kan behandel deur ’n gesonde, gebalanseerde dieet te volg, kan haarprodukte met kafeïen ook ’n verskil maak omdat dit die haarwortels stimuleer en haarverlies help voorkom. 3Vermy

dit om jou hare gereeld in ’n stywe bolla of poniestert te dra. Met dié style word daar aanhoudend aan jou haarwortels getrek. Dit beskadig die wortel én follikel en kan daartoe lei dat die hare se groeisiklus onderbreek word en dit al hoe swakker begin groei en later uitval. Plantur 21 Nutri-caffeine Elixir (R165)