Jeugdige naels

Natuurlike naels met ’n subtiele wit of pienk skynsel wat gesond lyk, is tans hoogmode. Probeer een van die vele naelprodukte wat alles van bros en droë naels tot groefies en wit kolletjies behandel, terwyl dit ook sommer ’n tikkie kleur gee

Danksy kukuineutolie in Essence Glow & Care Luminous Nail Polish (R40) word jou naels goed bevog. Elk van die 4 skakerings in die reeks (die een in die foto is Care in the Air) het ’n glinsterende afwerking. By Dis-chem en www. takealot.com

Kollageen en kamelia-ekstrak in Essie Treat Love & Color (R135) versterk en verhelder jou naels. Dis beskikbaar in 4 glansende ligte skakerings. Probeer die kleur Treat Me Bright

Die bekende naelversterker met proteïen en kalsium is ook in 4 ligpienk skakerings beskikbaar – O.P.I Nail Envy Nail Strengthener Color in Samoan Sand (R379). By uitsoeksalonne

Bestanddele soos arganolie, vitamien C en B5 in Orly Breathable Treatment + Color in Happy and Healthy (R169) behandel droë, beskadigde naels. Besoek www. indiglow.co.za

Die naellak voorkom dat jou naels breek of splinter – Sally Hansen Hard as Nails Xtreme Wear Nail Color in White On (R70)

Die reeks bevat bestanddele wat jou naels versterk, verhelder en invul. Kies uit sagpienk (foto) vir ’n ligte vel, ligbruin by ’n warmer velkleur en beige by ’n donkerder een – Sparitual Vegan CC Crème Correct + Care (R265). By uitsoekspa’s en -salonne

Die produk behandel 7 algemene naelprobleme soos droogheid, vaalheid en bros en growwe naels – Theravine 7 in 1 Miracle Elixir (R171). By uitsoekspa’s en -salonne of besoek www. theravine.co.za