Ons hou van
VIR DIE KOSBLIK!
Bak hierdie maklike broodjie en pak dit in skool of werk toe Verhit oond tot 180 °C. Klits 120 g (130 ml) botter en 150 g (160 ml) suiker in elektriese menger saam tot lig en romerig. Voeg 2 eiers een-een by en klits goed ná elke byvoeging. Maak 4 ryp piesangs fyn en voeg by. Sif 240 g (430 ml) koekmeel, 2 ml sout en 5 ml koeksoda saam en voeg dit om die beurt met 30 ml melk by die bottermengsel. Skep beslag in ’n goed gesmeerde broodpan. Bak 1 uur. Toets met ’n dun pennetjie – dit moet droog uitkom – voor jy die brood uit die oond haal.
VARSGEPARS
Sap wat jy self maak, is die gesondste en varsste. Pak dit in vir werk of skool of drink dit by ontbyt. Met dié versapper van Smeg kan jy byna elke soort groente en vrugte in vloeibare vorm inneem. Sowat R8 999 landwyd
KLEUR MÉT GEUR
Pak jou middagete in hierdie mooi koelsak van Pylones. Die kleure en patrone laat jou sommer lus voel om ekstra moeite met die kos binne-in te doen. R249,95 by Pylones landwyd
PERFEK VIR GROENTE
Pak volgende keer hierdie hoemoes van Pesto Princess in jou kosblik saam met ’n paar groentestokkies. Dié kombinasie is gesond en baie vullend! R37,99 vir 200 g by supermarkte landwyd
PEUSEL GESOND
As jy nes ek heeldag iets soek om aan te peusel, is ’n goeie keuse Vital se blatjang-gegeurde miniryskoekies. Dis koring- en glutenvry, bevat geen preserveermiddels nie en is laag in kilojoules. Vanaf R17 vir 125 g landwyd
Gesondheidskenners vertel al lank vir ons dat kanolaolie gesonder is as ander olies. Cape Canola het nou ’n ekstrasuiwer koudgeparste weergawe ( extra virgin cold-pressed) beskikbaar. Soek vir hul mooi geel-en-grys blikke by uitsoektakke van Pick n Pay. Vanaf R80