KLAPPERSUIKER
Klapperprodukte soos klappermelk, -room en -olie is al ’n paar jaar op koskenners se lippe, maar vanjaar is dit klappersuiker wat die kollig steel. Dit word van die nektar van die klapperblom gemaak en is ook bekend as klapperpalmsuiker of klapperkristalle. Dit bevat klein hoeveelhede minerale en spoorelemente, asook inulien, ’n soort onoplosbare vesel wat voordelig is vir die spysverteringstelsel. Die geur is uniek en laat alles van gebak tot gekookte kos heerlik smaak. SOETKOEKIES
Dié koekies is half sag wanneer dit uit die oond kom. Soos dit afkoel, raak die binnekant lekker taai. Dis heeeeeerlik!
genoeg vir 16 koekies
100 g klapperolie 165 g klappersuiker 80 ml gouestroop 5 ml vanieljegeursel 1 eier 300 g (535 ml) koekmeel 5 ml gemengde speserye 5 ml koeksoda 20 ml yswater heel amandels
Verhit oond tot 160 °C. Plaas al die bestanddele, behalwe die amandels, in jou voedselverwerker en pols by hoë
spoed tot alles in een bal saamkom in ’n sagte deeg. Voer bakplate met bakpapier uit en spuit met kleefwerende kossproei. Doop hande in bietjie meel, breek stukke deeg af en rol in okkerneutgroot balletjies. Plaas sowat 2 cm uitmekaar op bakplaat. Druk balletjies effens platter en druk ’n amandel op elke koekie. Bak vir 12-15 minute of tot teekleurig. Laat afkoel en sit voor.