Probeer dit

1. Wakker die vervaardiging van kollageen aan met Dermalogica Biolumin-c Serum (R1 495) wat een van die mees stabiele vorms van vitamien C bevat. By uitsoeksalonne 2. Jou vel is meer sonsensitief ná behandeling. Gebruik daagliks ’n sonskerm met ’n hoë SBF soos Nimue Sun-c Environmental Shield SPF 50 (R650). By uitsoeksalonne 3. Gebruik Skinceuticals Epidermal Repair (R1 600) ná laser- of afskilferingsbe handelings om ’n sensitiewe, geïrriteerde vel te kalmeer. Besoek www.skinceuticalsza.com 4. Essensiële olies van suurlemoen, vinkel en pomelo in Theravine SculptO-vine Cellulite Oil (R375) verbeter die bloedsirkulasie na jou veloppervlak vir ’n fermer voorkoms. By uitsoekspa’s en -salonne of www.theravine.co.za 5. Kappertjieblom-ekstrak in Kalahari Phytoflora Serum (R240) help om jou velwand gesond te hou. By uitsoeksalonne en -spa’s 6. Dié ligte vogroom is propvol antioksidante en anti-inflammatoriese bestanddele en is ideaal vir ’n olierige of kombinasie-veltipe – Lamelle Dermaheal Cellular Repair Cream (R830). Besoek www.lamelle.co.za

Resultate moet subtiel wees. Jou vriende en familie moet dink jy was op ’n eilandvakansie Yolandé Swanepoel van die Isa Carstens Akademie

Kriolipolise verwys na die proses waar ’n persentasie vetselle vernietig word deur dit aan baie lae temperature bloot te stel. ’n Toestel word gebruik om ’n gedeelte van hardnekkige vet op jou lyf vas te knyp en vir 45 minute of langer te verkoel. Dit veroorsaak dat die vetselle kristalliseer en “doodgaan”. ’n Jellaag word vooraf aangewend om jou vel te beskerm. Dis ideaal vir klein gedeeltes waar vet voorkom, soos die maag, “love handles”, dubbelken, rug en bobene. Jy behoort die beste resultate eers ná drie maande te sien omdat dit tyd neem vir jou lyf om die dooie vetselle uit te skei.

Prys vanaf R6 000