SARIE Modeskool: Skryf in

Mode is meer as klere. Dis ’n wêreld van stories – elke voorkoms en elke mode-item vertel ’n verhaal. Dit praat ook van vreugde; net om dáárdie stuk vir jou klerekas te ontdek wat so rég is vir jou. Wat jou mooi, selfversekerd en bemagtig laat voel. Nimmereindigende versoeke om te weet hoe SARIE se mode-afdeling werk, het gelei tot die ontstaan van SARIE Modeskool so twee jaar gelede. Met elke modeskool in SARIE se Kaapse kantoor deel moderedakteur Amaria Carstens haar A-z-kennis. Jy kry selfs kans om saam met ’n professionele fotograaf, topmodel, grimeerkunstenaar en haarstileerder te werk. In November het ons ons 7de Modeskool aangebied en hier wys ons die resultaat van ons 14 ‘studente’ se ateljee-fotosessie. Sommige het bloot ’n lewendige belangstelling in mode, ander wil mode hul loopbaan maak en nog ’n paar het ’n lank gekoesterde droom uitgeleef om ’n voorkoms of twee bymekaar te sit. Kreatief en oorspronklik, is hoe Amaria dié groep se werk beskryf. Binnekort bied ons die 8ste Modeskool aan en jy kan reeds inskryf.

Kursusgangers is bederf met: ontbyt, peuselhappies en koffie van Vida e, ’n Instaxkamera vir polaroid-foto’s, geskenke van Poetry, Falke, Accessorize, Inglot, by Cara, Cotton On, Eco Diva en Lancôme, asook ’n praatjie deur VIA se Werner Wessels, Sarie-redakteur Michélle van Breda en Sarie-kunsdirekteur Maresa Pretorius.

* SARIE Modeskool het in 2017 die Media24-prys vir Innovasie gewen