HOENDER GEROOSTER IN BOTTER MET PARMESAANROOMSOUS
Die beste manier om te sorg dat jou hoender lekker sappig bly, is om dit met botter te rooster. Met ’n ryk parmesaansous daarby kan jy nie vir meer vra nie.
SOUS
1 ui, baie fyn gekap
2 lourierblare
125 ml hoenderaftreksel
250 ml room
50 g parmesaankaas, fyngerasper sout en varsgemaalde swartpeper
Verhit oond tot 180 °C. Meng botter, knoffel en kruie saam. Pak uieringe in oondroosterpan en plaas hoender met borskant na bo op uie. Smeer kruiebotter oor hoender. Geur goed met sout en peper. Gooi aftreksel in pan. Maak pan toe met foelie en rooster vir 40 minute. Maak terwyl hoender rooster: Plaas uie, lourierblare, aftreksel en room in middelslagpot en verhit tot kookpunt. Kook tot vloeistof met helfte verminder het, so 8 minute. Verwyder lourierblare en roer parmesaan by. Proe en pas geur aan met sout en peper. Maak hoender oop en rooster vir nog 25-30 minute of tot goudbruin. Sit hoender voor met pansous en parmesaanroom.